روس نے بھی پاکستان کے خلاف ہندوستانی موقف مسترد کردیا

گوا: پاکستان کوسفارتی سطح پر تنہا کرنے کے دعوے کرنے والا ہندوستان خود تنہائی کا شکار ہوگیا اور برکس اجلاس میں چین کے بعد روس نے بھی پاکستان کے خلاف ہندوستانی موقف کو مسترد کردیا۔ دوسروں کے لیے گڑھا کھودنے والا خود اس میں گرتا ہے اور ہندوستان کے ساتھ بھی کچھ ایسا ہی ہوا۔ پاکستان کوسفارتی محاذ پر تنہا کرنے کے جتن کرنے والا ہندوستان خود تنہائی کا شکار ہورہا ہے۔ ہندوستانی میڈیا کے مطابق برکس اجلاس میں روس نے بھارت کا ساتھ چھوڑ دیا اور پاکستان کاساتھ دیا ہے۔ ٹائمز آف انڈیا کی رپورٹ



میں حکومتی ذرائع کے حوالے سے دعویٰ کیا گیا ہے کہ برکس اجلاس میں روس نے پاکستان کے خلاف  ہندوستانی موقف مسترد کر دیا جس پر مودی سرکار کافی پریشان ہے۔ ہندوستانی اخبارکا کہنا ہے کہ روس کی پاکستان کے حوالے سے خاموشی نے مودی سرکار کی نیندیں اڑا دیں اور چین کی بجائے روس نے ہندوستان کو سب سے زیادہ مایوس کیا ہے۔ برکس اجلاس میں ہندوستان روس سے پاکستان کے خلاف بیان بازی کروانا چاہتا تھا لیکن مودی سرکار کے عزائم کامیاب نہ ہو سکے جب کہ برکس اجلاس کے اعلامیہ میں بھی روس نے ہندوستانی موقف کی تائید نہ کی۔